Salamangka: Ang Pagsubok Preview

Yo!

Cool cover? I hope so. As promised i have encoded the preview to another possible ebook that i can encode. I am sure i dont have to tell you what this ebook is, the image above says it all. This is the sequel to the story i wrote last years.

So those who have bought the ebook last year, enjoy the preview.


(BABALA: ANG KWENTONG ITO AY WHOLESOME. ITO YUNG KARUGTONG NG WHOLESOME SALAMANGKA BOOK 1 NA SINULAT KO NUNG 2010. BAGO PO YAN AT HINDI ITO YUNG EROTIC NA INIISIP NIYO. BAGONG KWENTO NA ITO, SALAMANGKA: ANG TAGAPAGMANA AT SALAMANGKA: ANG PAGSUBOK)

Sa loob ng isang private subdivision…

Barubal

Sa likod ng isang magarang bahay may dalawang binatang naglalaro ng basketball. Nag crossover dribble si Benjoe, nalusutan niya ang kanyang kaibigan para mag lay up pero nahuli yung bola sa board at natapalan ang kanyang tira ng napakatangkad niyang kaibigan. “Bwahahahahahaha! My turn!” sigaw ni Bartholomew, isang seven footer na binata.

Nilabas ng higante yung bola, konting dribble at sumaksak para magbigay ng isang monster dunk. Walang nagawa si Benjoe kundi mapakamot at matawa nalang. “Bakulaw ka masyado Barbs” sabi niya. “Twenty one to zero! Kutong lupa ka Benjoe. Wala ka bang talent sa larong to?” pasikat ng higante at nagtawanan yung dalawa.

“At pare naman call me by my new name, Bartholomew” sabi ng higante. “Whatever pare, oy sabi ni Tito Barney linisan mo daw kotse niya” sabi ni Benjoe. “Oh men, oo nga no. Mamaya na, kailangan ko mag practice pa. Alam mo naman ang star player kailangan lagi nag eensayo. Sa tingin mo pre pag graduate ko diretso nalang kaya ako sa NBA or mag PBA muna ako?” tanong ni Bart.

“Dude nasa sa iyo yan. Basta magsilbi ka muna sa National Team para wala sila masabi. Buwaya ka nga siguro dito pero pagdating mo sa NBA baka isa ka lang house lizard don. Magbigay ka muna karangalan sa bayan” sabi ni Benjoe. “Sabagay tama ka, bayan muna pero wala naman suporta dito e” reklamo ni Bart.

“Duh, saka lang nagkakaroon ng suporta pag may sure silang ipagmamalaki. Tignan mo yung soccer, wala naman suporta diyan dati pero nung nagsulputan yung mga pogi diyos ko kahit mag chip in yung mga babae at bading ng tig piso pwede na sila ipadala para lumaban kahit sa outerspace pa” sabi ni Benjoe.

“So sinasabi mo gwapo ako?” landi ni Bart. “Soccer player ka ba? Bakulaw ka, rare species na ang bakulaw na may talent kaya sigurado ako madami susuporta sa iyo. Ikaw na yung Philippine crocodile na mabait, kasi karamihan ng iba nasa gobyerno at nagpapayaman” banat ni Benjoe at nagtawanan yung dalawa.

Ayesha and Aryanna

Habang nagshoshooting yung magkaibigan may isang magandang dalaga ang biglang dumating. Nakasuot ito ng maiksing puti na Sunday dress, nakatalai ang kanyang buhok at napakasexy. “Hello Benjoe” bati niya kaya napalingon yung mga binata at napangiti.

“Hello Ayesha” bati ni Benjoe. “You look so pretty today Ayesha” sabi ni Bart. “Kailan ba hindi?” taray ng dalaga at nakiagaw sa bola at nagshoot. “Aye grabe naman yang suot mo ang iksi” sabi ni Benjoe at nginitian siya ng dalaga sabay hinaplos ang kamay. “Bakit di ko ba bagay?” lambing niya. “Ah bagay naman, pero di mo naman na kailangan magsuot ng ganyan e” sabi ng binata. “Gusto mo tanggalin ko?” banat ni Ayesha at nagtakip ng bibig si Bart sabay kuwnari umubo. “Mayaaa…mayaaa” bigkas niya at agad umirap ang dalaga at tinitigan siya ng masama. “Tse Maya ka diyan” sagot ng dalaga.

“Hello Benjoe” bati pa ng isang dalaga na kakadating. Napalingon yung tatlo at napanganga sa mapangahas suot ni Aryanna. Pula na mas maiksing Sunday dress, masyadong mababa ang neckline at lumapit ito kay Benjoe at humalik sa pisngi. “Ahh hi Aryanna” bati ng binata. “Gusto mo maglunch sa bahay? I learned how to cook” lambing ng dalaga at sumingit si Ayesha at tinulak siya palayo.

“Hello! May get together tayo sa bahay nila as if di mo alam” sabi ni Ayesha at siya naman ang yumakap kay Benjoe at hinalikan sa kabilang pisngi. “I baked your favorite brownies, do you want to come with me…I have a much shorter dress than hers” bulong ni Ayesha. “Hoy kayong dalawa baka nakakalimutan niyo na very loyal kay Maya yan” sabi ni Bart.

“Bakit wala naman kaming ginagawang masama pa e” sabi ni Ayesha at natawa si Benjoe at napakamot. “Alam mo sana hindi nalang sila nanalo sa lotto para di sila nakabili ng bahay dito. Mas peaceful dito noon nung wala yung pamilya ni Maya sa subdivision natin” sabi ni Aryanna. “Kaya nga sa lahat pa ng pagbibilhan ng bahay dito pa, sana sa abroad nalang. Pwede naman long distance relationship e, tapos pag malungkot si Benjoe…kaya ko punan ang pagkukulang ni Maya” banat ni Ayesha sabay kinindatan ang binata.

“O pare bakit tahimik ka ata? Mukhang ineenjoy mo naman ata” sabi ni Bart. “Hindi pare, nagugutom lang ako” sabi ni Benjoe. “Alam mo you look so sweaty so you can take a shower sa bahay” landi ni Aryanna. “I like it when you look sweaty, no need to shower” banat ni Ayesha at napakamot si Bart at muling umubo. “Mayaaa..Mayaaa” banat niya at natawa si Benjoe at inuga ang kanyang ulo.

Maya

Sa loob ng bahay nina Benjoe tinutulungan ni Maya si Amelia mag ihaw ng barbeque sa garden. “Alam mo iha ako nalang, hanapin mo nalang si Benjoe at yung iba kasi malapit na tayo kakain” sabi ni Amelia. “Okay lang po tita, nandon lang siya kina Bart naglalaro ng basketball” sabi ng dalaga.

“Iha ano balita sa parents mo?” tanong ni Antonio na naghahanda ng mga plato sa outdoor table. “Tito nasa Paris po sila ngayon. Tapos bukas po ay pupunta na sila sa Caribbean cruise nila” sabi ni Maya. “Di ka ba naiinggit Maya?” tanong ni Amelia. “Hindi po tita, di ko kaya iwanan dito si Benjoe, mahirap na” sabi ng dalaga at natawa ang mga magulang ng binata.

“Ate ilalabas narin po ba yung buko pandan?” tanong ni Insyang. “Ah hindi pa, mamaya na yon para malamig. Siya nga pala nasan si cute Mina?” tanong ni Amelia. “Ay nandon po ate sa taas kasama si baby Iofel” sabi ni Insyang. “Tita ilang months palang ni Iofel at ang likot na niya pero she is so cute. I remember Mina being like that nung baby siya” sabi ni Maya.

“Oo nga e, kaya lagi napupuyat si Benjoe kasi gusto niya siya yung mag alaga sa kapatid niya. Do you know that pag si Benjoe ang nag aalaga sa kanya hindi siya umiiyak?” sabi ni Amelia. “Wow so magaling pala siya mag alaga ng bata” sabi ni Maya. “Oo kaya sigurado ako maalagaan mabuti magiging anak niyo. Gusto ko lalake unang apo ko” sabi ni Antonio.

“Ano ka ba Antonio?! Bata pa sila at wag ka muna magsasabi ng ganyan” sermon ni Amelia. “Sinasabi ko lang naman e. E malay ko ba ano ginagawa nilang dalawa pag nagkukulong sila sa kwarto” sabi ni Antonio at nagulat si Maya. “Hala tito hindi po ganon” sabi ni Maya. “Antonio!” sigaw ni Amelia kaya natawa nalang ang asawa niya at napakamot.

“Pasensya ka na iha, ganyan talaga asawa ko. Hindi dapat kami nakikialam sa inyo. We know naman you two are very responsible” sabi ni Amelia. “Tita hindi po ganon” sabi ni Maya. “We just hang out, surf ng web or nanonood kami ng movies” hirit ng dalaga. “Tapos?” landi ni Antonio at natawa si Amelia. “Its okay iha nagbibiro lang kami” sabi niya.

“Hang out e di dapat sa labas ng bahay or outdoor. Surf ng web e mas malaki yung computer sa study room. Nood ng movies e may home theater tayo. Bakit kailangan pa gawin mga yon sa kwartong nakasara?” banat ni Antonio at namumula na mukha ni Maya pero si Amelia tawa ng tawa. “Don’t mind him iha, nanghuhuli lang yan. Its okay if you two are doing something else” sabi niya.

“Tita! Hala wala pong ganon” sabi ni Maya at natatawa na siya. “Anong ganon?” tanong ni Antonio. “Tumigil ka na nga diyan Antonio, nahihiya na si Maya” sermon ni Amelia. “But you two kiss?” hirit niya at napahalakhak talaga yung dalawa. “Tignan mo to, curious ka din pala e” sabi ni Antonio. “E malay ko ba kung may tinatagong sikreto anak natin. Baka mamaya mabulaga nalang tayo e kinukulot pala niya si Maya o kaya nagpepedicure at manicure. Tapos one day bigla nalang siya magladlad” bulyaw ni Amelia.

“Kaya naman pala lagi niya kasama si Bart. Oh my God! Uso pa naman ang bromance ngayon. Diyos ko nangingilabot ako isipin anak ko at si Bart. Baka isang araw dadating siya at sasabihin, Dad, Mom, kami na ni Bart” bigkas ni Antonio at super laugh trip silang tatlo. “Tapos pupunta si Bart kay Barney, Dad im pregnant and Benjoe is the father. Syempre kahit na bading gusto ko si Benjoe parin ang lalake, ayaw ko siya yung mabubuntis” hirit niya at halos maiyak na sa tawa si Maya at Amelia. “Hon, hindi nabubuntis ang bakla” sabi ni Amelia. “Oo nga pala, pero pwede sila mag adopt ng bata tapos dad, mom, eto na yung apo niyo, we named him Shutralala Phenisia” sabi ni Antonio at muli sila naghalakhakan.

“Tita don’t worry lalake po si Benjoe” sabi ni Maya at nanlaki ang mga mata ng mag asawa. “Aha! Sapat nang katibayan yan, malaman na iyong sinabi, Amelia wag ka nang hihirit. Napatunayan na natin na magpapatuloy ang ating royal blood” sabi ni Antonio at nagtawanan yung tatlo. “Tito, tita he has so much respect for me at di pa kami umabot don pero we do kiss” bulong ni Maya.

Iofel

Sa loob ng baby’s room umiiyak ang baby kaya hinaplos ni Mina yung tiyan nito. “Baby don’t cry, gutom ka ba? Inubos mo naman kasi mga dede mo. Ang takaw takaw mo masyado” sabi ng bata. Hindi tumigil sa pag iyak ang baby kaya nagpanic na si Mina at napalingon sa paligid. Nakita yung maliit na stuff toy at agad niya ito kinuha at pinakita sa baby.

Pansamantala tumigil si Iofel sa pag iyak at tinignan ang stuff toy. “O see its mister bear” bigkas ni Mina at biglang hinawakan ng baby yung mga kamay ng stuff toy at nahiwalay ito sa katawan. “Hala, nasira…oh don’t cry baby…teka lang” sabi ng bata at muling naghanap ng laruan sa paligid. Sa isang sulok pinulot pa niya yung isang stuff toy nang bigla siyang napalingon at nakita si Iofel naglalakad.

Nagulat si Mina at biglang napaupo sa gulat, si Iofel lumapit sa crib niya at inuga uga ito habang nakatingin sa kanya. “Ahh…gusto mo sa crib?” tanong ni Mina at ngumiti yung baby at tinungo ang kanyang ulo. Tulala si Mina at dahan dahan tumayo sabay binuhat yung baby at pinasok sa crib.

Pagkahiga nung bata tinuro nito yung mga nakasabit na revoliving hanging stars. Pinaikot ni Mina ang mga yon at biglang tumawa yung baby at naaliw. In shock talaga si Mina kaya dahan dahan siyang lumayo at tinignan yung kama at bigla nalang tumakbo palabas ng kwarto.

Mika

Katatapos ng misa at masayang umuwi ng bahay si Mika. Agad nagtungo ang dalaga sa kanyang kwarto para magpahinga. Habang nakahiga sa kama ay biglang nagbaga ang kanyang mga mata. Para siyang zombie na tumayo at nagtungo sa harapan ng kanyang computer at nagtype ng mabilis.

Lumipas ang trenta minutos natauhan ang dalaga at nakita ang kanyang sinulat sa kanyang computer. “Oh Lord, here we go again” bigkas niya at agad niya kinuha ang kanyang cellphone at may tinawagan.

Jamie

“Iha tinanggap mo na ba yung promotion mo na maging news anchor?” tanong ng isang matandang babae. “Not yet ma, pinag iisipan ko pa” sagot ni Jamie. “Pinag iisipan? Ano pang pag iisipan mo? Iha naman natatakot ako para sa iyo pag lagi kang nasa field reporting. At least itong news anchor job permanent job mo na” sabi ng nanay niya.

“Hindi po ganon, we still have to do field work for our researches” sabi ni Jamie. “I know pero din a tulad ng dati na babad ka sa field at nag aantay ng kaganapan. Hay naku iha sana tanggapin mo na para pwede na ako magretiro. O siya nga pala have you finished writing the book?” tanong ng nanay niya at nagtitigan yung dalawa.

“Yes ma, finalization nalang po tapos pwede na itago yung libro ng tagapag ayos” sabi ng dalaga at biglang nagring ang phone niya at agad niya ito sinagot. “Oh Mika! Long time no hear….what?” bigkas ni Jamie at napatayo ang nanay niya.

Pagkapatay ng telepono ay muling nagkatitigan yung dalawa at sabay pang huminga ng malalim. “The book is not finished yet ano?” tanong ng nanay niya. “Yes ma, something is going to happen again” bigkas ng dalaga.

Brod at Brad

Sa isang golf course sa malapit naglalaro yung dalawang matanda. Yung matandang nakaputi ready na magputt, huminga siya ng malalim at tinira ang bola. Pinanood niya gumulong ang bola pero nagtaka nang nalipat ang pwesto ng butas.

“Madaya ka! Nilipat mo yung butas!” sigaw ni Brod. “Duh! What are you talking about? Malabo lang mata mo” sagot ni Brad at siya naman ang nagready para sa kanyang putt. Pagtira niya sa bola gumulong ito papunta sa butas. Imbes na mashoot at nanatili yung bola sa ibabaw ng butas.

“Nandadaya ka din! Bakit biglang lumaki tong bola ko?!” sigaw ni Brad. “Haler! Tignan mo mainit ngayon baka nag expand yung bola. Not counted yan, kasi kailangan mashoot yung bola sa butas. E yan nasa ibabaw lang” sabi ni Brod. “E pano papasok yan?” sigaw ni Brad. “Aba malay, antayin natin guminaw baka magshrink bola mo” sagot ng kanyang kaibigan.

“Tabla nanaman tayo!” sabi ni Brad. “As usual. I think we should go now. Di tayo dapat late sa party” sabi ni Brod. “Hay, oo nga pala. Sa tingin mo they will be fine?” tanong ni Brad. “Of course they will be” sabi ng kaibigan niya.

“Pano mo sinasabi na they will be fine e alam mo may nagbabantang panganib sa kanilang lahat? They don’t have powers, they don’t even remember who they all are” sabi ni Brad. “Hay naku trust me they will be fine. Tara na miss ko na si baby Iofel” sabi ni Brod.

Get Together

Nagtipon tipon ang lahat sa bahay nina Benjoe, pagpasok ni Bart agad niya nakita si Mina na in shock. “Oh whats wrong little girl?” tanong niya at tinuro ng bata ang kwarto sa taas. Agad umakyat yung dalawa at binuhat ni Bart yung baby. Pinulot ni Mina yung isang fairy tale book pero si Bart kumuha ng encyclopedia at sinimulan basahan si Iofel.

“Nasan na ba tayo dati? Ah oo dito ata” sabi ni Bart at sinimulan niya magbasa habang si Mina nayakap yung fairy tale book at napaupo nalang sa isang tabi sa gulat.

Samantala habang nagtipon yung iba sa garden may dumating na isa pang dalaga at agad yumakap kay Benjoe. “Uy Bea!” bati ng binata. “Too close” bulong ni Maya at agad bumitaw si Bea at nagpacute. “Maya talaga o, just being friendly” sabi ng dalaga. “Oo nga naman” sabi ni Ayesha sabay niyakap kaliwang braso ni Benjoe habang si Aryanna naman sa kabila. Ngumiti lang si Maya at lumapit sa nobya niya at bigla ito hinalikan sa labi.

“Hanggang yakap lang kayo” landi niya sabay ngisi kaya si Benjoe napakamot nalang at natawa. “Sino pa bang wala? Baka pwede na tayo kumain” sabi ni Barney. “Wala pa yung dalawang matanda” sabi ni Antonio. “Oo nga we should wait a few minutes more” sabi ni Amelia.

Pagdating nina Brod at Brad nagsimula ang kainan. Punong puno ang bahay nina Benjoe ng mga kaibigan at mga magulang nila.

Sa isang gilid nagtungo yung dalawang matanda at napatingala sa langit kung saan may kislap silang nakita. “O bakit kayo nandito? Tara doon at kain na po tayo” sabi ni Benjoe at sa labas ng bahay may napansin siyang mga bata na naglalakad at kinakawayan siya. “Cute kids” sabi ni Brod. “Oo nga po e, lately ang daming kids dito sa subdivision na naglalaro. Baka may bagong lipat. Tara na po” sabi ng binata.

“Sige iho, susunod kami. Medyo pagod lang kami at naglaro kami ng golf” sabi ni Brad. “O sige po mauna nap o ako” sabi ng binata at nagtungo sa hardin. Nagtitigan yung dalawang matanda at kinawayan yung mga bata. “He does not even recognize the little angels and demons” bulong ni Brod.

“Oo nga e, pero sa tingin mo sapat na sila to keep them safe?” tanong ni Brad at muli sila napatingala at nakita nila si Angela at ibang mga archangel na nakatambay sa ulap para magbantay. “For now they are” bulong ni Brod at sinenyasan ang mga anghel.

Bagong Banta

Sa isang apartment building malapit sa university na pinapasukan nina Benjoe may pitong babae ang dumating. Kumatok sila sa pinto ng apartment at sinalubong sila ng ngiti nung may ari. “Good afternoon kayo ba yung kukuha nitong apartment?” tanong ng matandang babae.

“Yes, so move away now, me and my sisters will be staying here for good” sabi ng isang dalaga. “Wow pito kayo magkakapatid?” tanong ng matanda. “Yes, eto bayad” sagot ng isang dalaga at nagulat yung matanda sa dami ng pera. “Pero sobra ata ito iha” sabi ng may ari. “Bibilhin na namin ito, lahat ng ito. I am sure sapat na yan para sa lahat?” sabi ng isang dalaga. “Oo sa inyo na to, pero bakit niyo kailangan bilhin ito?” tanong ng matanda.

“Madami kang tanong” sigaw ng isa at biglang napalibutan ng itim na usok yung matandang babae at hinigop siya ng lupa. “Girls, this is our place now, and that school is going to be our playground” sabi ng isang dalaga at nagtawanan yung pito.

Satanas

Malakas ang pagbabaga ng apoy sa isang lugar sa impyerno. Nakaupo sa trono si Satanas at hinihimas ang kanyang baba. “Saturnino…Saturnino…apo ko” bigkas niya sabay tawa. Pinagmasdan ni Satanas ang kanyang kaharian at huminga ng malalim.

“Saturnino apo ko…youre kingdom awaits you…all of these will be yours…”

Salamangka: Ang Pagsubok

by Jonathan Paul Diaz


(BABALA: ANG KWENTONG ITO AY WHOLESOME. ITO YUNG KARUGTONG NG WHOLESOME SALAMANGKA BOOK 1 NA SINULAT KO NUNG 2010. BAGO PO YAN AT HINDI ITO YUNG EROTIC NA INIISIP NIYO. BAGONG KWENTO NA ITO, SALAMANGKA: ANG TAGAPAGMANA AT SALAMANGKA: ANG PAGSUBOK)